筆者早前在《略談隧巴171線早上繁忙時間分拆安排》發表過意見，建議於平日早上服務的隧巴171A線（利東邨至荔枝角）之部份班次提前於利枝道巴士總站開出，以滿足鴨脷洲大街乘客的需要。據悉大街區議員張錫容和民主黨亦分別向運輸署提出同樣訴求。筆者今日途經鴨脷洲，發現張議員掛出「成功爭取」橫額，指出171A線於 4月10日（下星期二） 4月16日（星期一） 起將會有兩個班次在利枝道開出，分別是07:35及07:43。筆者見網上暫時未有人分享以上消息，故特意撰文發放。（4月10日更新：張議員的橫額表示有關安排延至4月16日才實施。）
翻查現時171A的時間表（2012年2月6日版本），筆者估計可能是將原本於07:42及07:51的班次分別提早了7分鐘及8分鐘開出，然而由利枝道往利東邨巴士總站只需約3分鐘，為何需要提早如此多開出呢？是否真的需要預留四五分鐘在利東總站上客？還是整個171A線的時間表將會重新編排？截至目前為止，城巴和九巴均未發出新聞稿，筆者也難以作出定論。無論如何，筆者也希望這些特別班次能夠解決大街的171線乘客難以上車的問題。
9 個意見:
我唔係質疑你，但係你唔覺得奇怪咩？如果有班次改動，巴士公司一般兩三日前就會出新聞稿同通告。如果4月10日真係有新時間表，照計應該復活節假期之前就會有公佈。會唔會係林議員自己搞錯左日子，6字當做0字呢？4月16日即係再下個星期一，都唔係無可能。
回 匿名：
筆者肯定張錫容議員掛出的橫額是寫上4月10日的，不可能看錯。筆者所知有兩塊橫額，一塊在鴨脷洲橋道西行線與鴨脷洲徑的路口，另一塊是鴨脷洲橋道東行線「利枝道」巴士站（往鴨脷洲大街梯級的入口）。若然真的不是4月10日開始實行，可能是張議員自己搞錯或者橫額的日期印錯了。無論如何，筆者會盡力繼續跟進。
其實171A應該加班兼提早係利枝道開而唔係單純提早係利枝道開
上次運輸署都講左，拆線後整體客量上升..利東都有，多左百幾人
但最終只係加左171P班次，171A照舊
如果171A有2班固定係利枝道開，實會縱壞個度D居民
特登坐兩架空車，預期下個受害者會係漁安苑居民
而根本問題係171A班次已經唔密，得9-10分鐘
對於利東黎講只係岩岩好..有時又唔準時開車，做埋大街只會降低服務質素
回 匿名：
大街的乘客不算很多，頂多也只是四分一車，對利東那邊的影響有限。況且假如延長到利枝道的171A線也停鴨脷洲橋道，漁安苑居民其實也可以行多幾步路到鴨脷洲橋道提早登上那兩班171A。
留名睇張錫容再次走數
回 花生友：
三天後便是4月16日了，城巴和九巴還未有公佈，又仍未見民主黨等區議員提及，看來張議員真是有機會再次「走數」。
好似仍未有指示牌？在大街巴士站開出？
吹水！到今天仍舊沒有！
回 匿名：
這個安排確實從來都未有被巴士公司正式公佈，站牌亦沒有作出改動，故相信只是敷衍張錫容議員之舉，大街乘客實質並無受惠。
發佈留言