2012年3月27日星期二

優化以城巴7號線代替新巴4號線服務之改動建議

筆者認為,與4號線合併後的7號線應該要加密至全日15分鐘一班。 (圖片:Imaouoclus@Wikimedia)

最近筆者幾篇講巴士線的文章都吸引到一些讀者的迴響,故此也樂意多寫這一方面的東西,而今次要談及的就是南區巴士線的改動。雖然南區的「巴士路線發展計劃」遲遲未出,可是從其他區的計劃中也發現到一個重大的改動,就是來往華富及中環的新巴4號線改為只在平日早上服務,其餘時間由來往石排灣及中環的城巴7號線來回繞經華富取代。筆者認為這個建議的大方向可以接受,但細節上卻有可改進的地方。

新巴4號線及城巴7號線的路線,在華富之後基本上完全重疊,而兩線的班次也比較疏落,大部份時間均只有每20分鐘一班,吸引力欠奉。故此,筆者原則上是同意兩線可以考慮合併,可是當局的建議完全沒有提到加密班次作為合併的補償,是筆者最難接受的地方,亦相信區議會肯定不會如此毫無條件地接受合併的建議。筆者認為,7號線應該要加密至全日15分鐘一班,同時可考慮在往中環方向取消繞經香港仔東勝道的安排,以節省3至5分鐘行車時間(至於往石排灣方向,經香港仔大道還是東勝道的行車時間均無大分別,所以毋須改動)。

不過要城巴7號線加密班次,因為巴士公司的不同,未能使用取消新巴4號線而多出來的3輛巴士(有傳聞指這3輛巴士都會用於970系路線上,如果屬實筆者也不反對),所以有需要向其他城巴線「開刀」。筆者屬意的對象是城巴40號線。40號線由華富經半山區來往灣仔碼頭,與同系的40M線均有大量相似的地方,筆者十分質疑以華富及薄扶林來往半山區的需求,是否真的需要兩條巴士線。因此,筆者建議取消40號線,同時為與40號線一樣均駛經柏道及羅便臣道路段的城巴3B線(蒲飛路至中環林士街),提供與40M線(華富至灣仔碼頭)的互相轉乘優惠,以照顧受影響的原40號線乘客。而取消40號線後所剩下的巴士可以分配給3B線、7號線及40M線這三條路線,讓其可以將班次分別加密到每15分鐘、15分鐘及12分鐘一班。

以上一系列的建議,雖然比當局原先的建議所涉及的改動為多,但筆者相信有關建議能夠在有效善用巴士資源的同時,亦能盡量避免影響乘客。

8 個意見:

匿名說...

其實只要加強4X服務,講既係每天服務,延長服務時間
成件事解決了大部份
因為依家4號問題係,華富開有4X,有人喜歡上4X
回程更慘,4X比4號做5分鐘到站食晒D客,變相製造機會取消4號

但現時4/4X平日做10分鐘聯合班次其實好理想

4X加強服務,因為回程經大道中西,可以做到4號既客
加密班次好過廿分鐘黎晒4/4X
7號角色只係得返華富往西營盤就足夠(當然華富仲有M47)
回程當輔助4X

另外7號的而且確需要在香港仔兜個圈先走
講既係兜一個圈非繁多十幾廿個客,繁時更多
個度講既係已經做左六七十蚊
可能仲多過石排灣個站

當然,這個方案拖慢原有7號使用者的行車時間
雖然香港仔唔想搭7,仲有91/71/90B

4X加強服務就最易,依家講既係4X派車5部,5部巴士,班次唔會疏得去邊

如果照新巴方案,假日華富數碼港新巴投放既資源,就得返3部30X
由以前4+M49到今日7+4X(假日停開)+30X,新巴的確一直等機會減資源

40理論上都好難cut,城巴一向都唔搞40/40M,搞親都係衰
3B就主力減班,去年先減過次

原則上黎講,運輸署如果以現有方案去游說,絕對失敗
博睇下有無彎轉,就只係得4X/7加班

而且運輸署都正視左華富部份時間無車去中環碼頭
但去中環碼頭既角色,比4X做,會更好

匿名說...

有一說是當時40/40m搞得成
930就有得拉落灣仔

匿名說...

回2樓:
個時政府總部落成運輸署放出黎個建議
只係將40M唔入灣仔碼頭,過金鐘後出去入境處,再兜返去政府總部做總站

當日呢個建議係有諮詢議員,比起取消4號
呢個方案差好多,得罪左華富同半山

胎死腹中都係預期之內

而取消40既阻力亦不會比40M改道少

同埋講既係40/40M既整體客量會多過4
40/40M基本上係流水線黎,養左好多短途客,4號頂多都係華富-中西區,無得比

凱文說...

綜合回應以上留言:

如果將4號線取消的同時,將多出來的3輛車全給予4X線加密班次,同時將之提升至每日服務並延長服務時間,筆者原則上可以接受,但代價就是(傳說中的)970系加車將未能成事。

至於7號線兜香港仔方面,筆者始終覺得只為東勝道一個站而在香港仔兜大圈並不太值得。以前往中環紅小收費較便宜時,7號線要搶這批客而入東勝道無可厚非,但現時紅小正常收費已達6.5元,相信很多乘客也不介意行多幾步到香港仔大道乘搭5.3元的7號線。

對於40系路線,筆者始終覺得有削減服務的空間,所以才考慮過將3B線、40號線和40M線中的其中一線停辦,同時提供轉乘優惠作補償,以改善剩餘兩線的班次。不過既然原來要搞40系路線會這樣棘手,筆者唯有打消有關念頭吧!

匿名說...

回凱文
其實石排灣交通係有佢問題
例如落山直出的76、95、971,非繁忙時間真係好少人
就算係漁暉道都好少人上

7號就逆巿搵成堆客(雖然唔多但好過無),而且當年因為7號巴士全日經置富
香港仔咁兜係要比D客返置富,只後95C取代左之後,又唔理佢

如果7號唔係香港仔兜圈,佢同4號既處境會拉近
依家7號都叫做好過4號少少

少少題外話
運輸署於2010年都建議過94A來回不經香港仔
換成95落山後停洛陽街便利店站後返回原有路線往工業區

可見署方係知道點做先至令石排灣D線有返D客
可惜既係95改道無疾而終

亦有人話與其停洛陽街,不如香港仔內跟595,做埋595堆客.

而理論上,5部4X,應該可以足夠開12-15分鐘1班
事關4號一個循環廿分鐘1班都只係需要3部車..4X車程理論上差唔遠

到時4號個3部巴士亦順利功成身退..

凱文說...

回 匿名:

95號線跟595線行成都道聽起來不錯,但必須以94A線不入成都道作交換條件,否則恐怕會進一步加重成都道的擠塞狀況。

4X線在不加車的情況下要做到12至15分鐘一班似乎有點勉強,因為中環碼頭一段似乎耗用了不少時間,除非改為跟現時30X線行干諾道西天橋,直達國金二期後返回4X線的原線,才肯定可以有充裕的行車時間。

匿名說...

查實華富仲有條M47可以利用。為免7需要入華富,我會建議華富去西營盤交由M47做,去中環交由4X做,兩線加密班次到12-15分鐘一班,同時將M47改成47循環線,縮短到西營盤,經德輔道西、皇后街、干諾道西、東邊街返回皇后大道西,並加設5/47轉乘優惠讓域多利道乘客轉車來往中環。

凱文說...

回 匿名:
閣下的建議也可以考慮,但之前M47線已由金鐘縮短到香港站,車費未有降低,所以如果再縮短的話,相信大有減價壓力。

 
評深宜論 — 主要聚焦香港時事、社會、規劃、交通等議題
本站最佳瀏覽解像度為 1024 x 768 或以上。

Creative Commons Attribution-Noncommercial-No Derivative Works 3.0 Hong Kong License 優化以城巴7號線代替新巴4號線服務之改動建議》及本網誌其他文章均以
共享創意 署名-非商業性-禁止衍生 3.0 授權條款釋出。